Ayni kunlarda Superliga va Pro liga klublari vakillaridan iborat delegasiya Turkiyaning Istanbul shahrida bo‘lib turibdi. Ushbu safar doirasida bugun o‘zbek mutaxassislari Turkiya futbol federasiyasi bosh qarorgohiga tashrif buyurishdi, bu haqda PFL matbuot xizmati xabar qildi.
Turkiyaning turli yoshdagi terma jamoalari, qolaversa bir qator klublari foydalanadigan mashg‘ulot markazi ish faoliyati va tuzilmasi bilan yaqindan tanishildi. Ayniqsa, mashg‘ulot markazida futbolchilar uchun yaratilgan shart-sharoitlar, yotoqxona, oshxona, mashg‘ulot maydonlari, trenajyor zallari va nazariy mashqlar qanday o‘tilishi batafsil ko‘rsatib berildi. Klublarimiz vakillari qarorgoh tuzilmasi yuzasidan o‘zlarini qiziqtirgan savollarga bafurja javob olishdi.
Qolaversa, bugungi kun doirasidan Turkiya Superligasining markaziy derbilaridan biri sanaladigan "Beshiktosh" – "Fenerbahche" uchrashuvi tashkilotchiligi o‘rin olgan.