"Manchester Siti" bu mavsumda o‘ziga o‘xshamayapti. Premyer-liga gegemoni hozir hattoki 3 talikka ham kirmaydi. Keling, Gvardioa jamoasi nega bunday o‘yin ko‘rsatayotganini tahlil qilib ko‘ramiz.
O‘tgan mavsumda energiya ko‘p sarflandi
O‘tgan mavsumda "Liverpul" muvaffaqiyatsizlikka uchraganida, qiyin taqvim jamoaga qanday ta’sir qilishi mumkinligini ko‘rdik. Avvalgi mavsumda "Manchester Siti" bilan ajoyib chempionlik poygasi, "Real"ga qarshi Chempionlar ligasi finali, "Chelsi"ga qarshi Angliya kubogi va Liga kubogi finallari bo‘lgandi.
"Mersisaydliklar"ning tanazzulga uchrashi bilan solishtirganda, "shaharliklar"ning holati ancha yaxshi. O‘tgan bahorda jamoa finishga oz qolganda "Arsenal"dan chempionlikni tortib oldi, keyin esa mamlakat kubogi finalida "Manchester Yunayted"ni mag‘lub etdi, Chempionlar ligasida uzoq kutilgan g‘alabaga erishdi.
Oldingi mavsumda butun kuchingizni ishlatib bo‘lganingizdan so‘ng, o‘zingizni kelib olish qiyin bo‘lishi tabiiy jarayon.
Tizimning muhim elementlari yetishmasligi
Birinchi sababning natijasi. Gvardiola va uning o‘yinchilari o‘z manzillariga yetib kelishdi. "Manchester Siti"ning asosiy yarim himoyachilaridan biri bo‘lgan Ilkay Gyundogan erkin agent sifatida "Barselona"ga o‘tdi. Aymerik Laport va Riyod Mahrez Saudiya Arabistonida faoliyatini boshladi. Joau Kanselu ham ketdi - “shaharliklar” usiz hal qiluvchi qadamlarni tashladilar, biroq avvallari portugaliyalik asosiy jamoaning “terminator”i edi.
Kevin De Bryuyne ham yo‘q – belgiyalik futbolchi jiddiy jarohatdan forig‘ bo‘lmoqda va tez orada maydonga qaytmaydi. Yakunda “Siti” qayta qurishga ulgurmadi, yangi kelganlar - Gvardiol, Nunesh, Doku, Kovachich endigina jamoaga jalb qilingan.
Ketish kayfitidagi o‘yinchilar
Shu bilan birga chempionning yo‘qotishlari bundan ham jiddiyroq bo‘lishi mumkin edi. Masalan, Kayl Uoker “Bavariya” bilan muzokara qilib ko‘rdi. 33 yoshli himoyachining shartnomasi tugayotgan edi, u o‘yin amaliyoti miqdoridan norozi edi va myunxenliklar bilan muzokaralar olib bordi. Natijada, "shaharliklar" inglizni saqlab qolishdi, lekin hech kim vaziyat takrorlanmasligiga kafolat bermaydi. Kayl dunyoning eng shiddatli ligasida, shuningdek, uning eng yaxshi jamoalaridan birida yoshi kattaroq himoyachi hisoblanadi. Bu yerda hatto minimal pasayish ham juda muhim.
Shu sababli, Uoker kelasi yozda “Manchester Siti”ni tark etishga qaror qilsa, hech kim ajablanmaydi.
Gvardiola uchun Gyundogandek muhim ijrochi Bernardu Silva ham bu haqda o‘ylay boshladi. Yozda u Saudiya Arabistonidan takliflar oldi. Shayxlar uning moliyaviy ehtiyojlari osonlik bilan qondiradi.
Fenomenal raqobat
Ilgari "Liverpul", "Chelsi", "Tottenxem" "Manchester Siti"ga qarshi raqobat qilardi. "Manchester Yunayted"niku aytmasa ham bo‘ladi.
Endi vaziyat yanada qiziqroq - "Arsenal" "shaharliklar" darajasiga yaqinlashib qoldi. Va agar bir yil oldin u shunchaki turg‘un "Liverpul"ning o‘rnini egallagan bo‘lsa, endi "qizillar" avvalgi pozisiyalariga qaytishdi.
Qolaversa, boshqa jamoalar bilan darajadagi farq qisqarmoqda. Unai Emeri “Aston Villa” bilan jangovar, xavfli jamoa tuzgan. Hozir “sherlar” kuchli uchlikka kirdi, bundan tashqari ular “Manchester Siti”ni mag‘lub etishdi. "Tottenxem" mavsumni yorqin boshladi va davom etishni xohlaydi. "Chelsi" nihoyat katta hajmdagi xariddan so‘ng aniq nimanidir ko‘rsata boshladi, "Nyukasl"da ham jarohatlar bo‘lmasa ular ham jiddiy raqib.
Eng ajablanarlisi shundaki, “Arsenal”, “Liverpul”, “Aston Villa”, “Chelsi” va “Tottenxem” “Siti”ga qarshi o‘yinda yutqazmadi.
