Italiya A seriyasining 15-turidan o‘rin olgan o‘yinda “Iiter” 9 dekabr, shanba kuni o‘z uyida “Udineze”ni qabul qildi.

Mezbonlar birinchi bo‘limning so‘nggi 8 daqiqasida raqib darvozasiga 3 marta yo‘l topishdi. Dastlab Hoqon Cholhono‘g‘li penaltidan hisobni ochgan bo‘lsa, oradan ko‘p o‘tmasdan Dimarko va Tyuram hisobni yirik ko‘rinishga keltirib qo‘yishdi. O‘yin so‘ngida esa Lautaro Martines  to‘rtinchi golga mualliflik qildi.

Milanliklar ushbu g‘alabadan so‘ng 38 ochko bilan peshqadamlikni o‘z qo‘llariga olishdi. 2-o‘rindagi "Yuventus" hisobida 36 ochko mavjud bo‘lsa, "Milan" 29 ochko bilan 3-o‘rnida bormoqda.

«Udineze» esa 12 ochko bilan 16-pog‘onani egallab turibdi.

Italiya A seriyasi, 15-tur
9 dekabr, shanba
Inter – Udineze 4:0 (3:0, 1:0)
Gollar: 1:0 – 37, penalti Cholhono‘g‘li, 2:0 – 42 Dimarko, 3:0 – 44 Tyuram, 4:0 – 84 Martines.
Inter – Zommer, Darmian, Acherbi, Bastoni (Karlos Augusto, 56), Bissek, Dimarko (Kuadrado, 71), Mxitaryan (Sensi, 79), Cholhono‘g‘li (Aslani, 71), Barella, Tyuram (Arnautovich, 56), Martines.
Udineze – Silvestri, Ebosele (Kristensen, 62), Kabasele, Peres, Joau Ferreyra, Zemura (Exizibue, 86), Pereyra, Uolas, Payero (Sarraga, 86), Samardjich (Lovrich, 62), Lukka (Toven, 75).
Ogohlantirishlar: Joau Ferreyra (13), Indzagi (36), Chioffi (79).