Italiya chempionatining o‘n beshinchi turida “Atalanta” “Milan”ni mag‘lub etdi, “rossonerilar”ning sobiq futbolchisi Sharl de Ketelare esa sobiq jamoasi ustidan qozonilgan g‘alaba o‘ziga xos ta’mga ega ekanligini tan oldi.
"Muhim uchrashuv va muhim uch ochko bo‘ldi. "Milan" ustidan qozonilgan g‘alaba men uchun o‘zgacha ta’mga ega ekanligini inkor etmayman. Ammo umuman olganda, A Seriyada har qanday uch ochko muhim, bu yerda g‘alaba qozonish juda qiyin. Bugun nafaqat men, balki barchamiz baxtlimiz", dedi de Ketelare.
Italiya A seriyasining navbatdagi, o‘n oltinchi turida “Atalanta” o‘z maydonida “Salernitana”ni qabul qiladi. Bu o‘n sakkizinchi dekabrda sodir bo‘ladi.
