Xabaringiz bor, «Navbahor» Osiyo Chempionlar ligasi (OCHL) guruh bosqichining 6-turidan o‘rin olgan bahsni safarda "Mumbay Siti"ga qarshi o‘tkazib, 2:1 hisobida g‘alaba qozondi. "Navbahor"ning ushbu yutug‘i yurtimiz klublarining mazkur musobaqa tashkil etilgan 2002 yildan buyon 125-g‘alabasi sifatida tarixga kirdi. Bu haqda "Futbolium" xabar berdi.          

125 yutuq — bu qit’amiz mamlakatlari orasida 8-natijadir.

Quyida OCHLda qaysi mamlakat klublari necha martadan g‘alabaga erishgani borasidagi ma’lumot keltirilgan:  
303 — Janubiy Koreya
265 — Saudiya Arabistoni
264 — Yaponiya
197 — Eron
187 — Xitoy
150 — Qatar
149 — BAA
125 — O‘zbekiston
73 — Avstraliya
61 — Tailand.

Yurtimiz jamoalari o‘rtasida esa 125 ta g‘alaba quyidagicha taqsimlangan:
52 — "Paxtakor"
28 — "Bunyodkor"
14 — "Nasaf"
9 — "Neftchi"
9 — "Lokomotiv"
6 — AGMK
5 — "Navbahor"
2 — "Mash’al".

Bir so‘z bilan aytganda, «Navbahor» OCHLdagi ilk ishtirokidayoq 5 ta g‘alabani qayd etib, ajoyib natijaga erishdi.

"Lochinlar"ga qit’amizning nufuzli turniri "pley-off" bosqichi bahslarida ham omad yor bo‘lishini tilab qolamiz.

"Navbahor" PFK matbuot xizmati.