Хабарингиз бор, «Навбаҳор» Осиё Чемпионлар лигаси (ОЧЛ) гуруҳ босқичининг 6-туридан ўрин олган баҳсни сафарда "Мумбай Сити"га қарши ўтказиб, 2:1 ҳисобида ғалаба қозонди. "Навбаҳор"нинг ушбу ютуғи юртимиз клубларининг мазкур мусобақа ташкил этилган 2002 йилдан буён 125-ғалабаси сифатида тарихга кирди. Бу ҳақда "Футболиум" хабар берди.          

125 ютуқ — бу қитъамиз мамлакатлари орасида 8-натижадир.

Қуйида ОЧЛда қайси мамлакат клублари неча мартадан ғалабага эришгани борасидаги маълумот келтирилган:  
303 — Жанубий Корея
265 — Саудия Арабистони
264 — Япония
197 — Эрон
187 — Хитой
150 — Қатар
149 — БАА
125 — Ўзбекистон
73 — Австралия
61 — Таиланд.

Юртимиз жамоалари ўртасида эса 125 та ғалаба қуйидагича тақсимланган:
52 — "Пахтакор"
28 — "Бунёдкор"
14 — "Насаф"
9 — "Нефтчи"
9 — "Локомотив"
6 — АГМК
5 — "Навбаҳор"
2 — "Машъал".

Бир сўз билан айтганда, «Навбаҳор» ОЧЛдаги илк иштирокидаёқ 5 та ғалабани қайд этиб, ажойиб натижага эришди.

"Лочинлар"га қитъамизнинг нуфузли турнири "плей-офф" босқичи баҳсларида ҳам омад ёр бўлишини тилаб қоламиз.

"Навбаҳор" ПФК матбуот хизмати.