Londonning "Chelsi" klubi yanvar oyidagi transfer oynasida o‘z tarkibini kuchaytirmoqchi.
Jamoani kuchaytirish zarurligini to‘g‘ridan-to‘g‘ri bosh murabbiy Maurisio Pochettino "Everton"dan uchralgan mag‘lubiyatdan so‘ng (0:2) aytdi. Jurnalist Rudi Galettining xabar berishicha, London klubi qishki transfer davri boshlanganda yangi markaziy himoyachi bilan shartnoma imzolashni rejalashtirgan. Shu bilan birga, "Chelsi" o‘yin amaliyotiga ega bo‘lmayotgan Trevo Chaloba va Malang Sarrni sotmoqchi.
“Ko‘klar” APL turnir jadvalida 16-turdan keyin 19 ochko bilan 12-o‘rinda bormoqda. 16 dekabr kuni Pochettino shogirdlari o‘z maydonida "Sheffild Yunayted"ni qabul qiladi.
