Лондоннинг "Челси" клуби январь ойидаги трансфер ойнасида ўз таркибини кучайтирмоқчи.
Жамоани кучайтириш зарурлигини тўғридан-тўғри бош мураббий Маурисио Почеттино "Эвертон"дан учралган мағлубиятдан сўнг (0:2) айтди. Журналист Руди Галеттининг хабар беришича, Лондон клуби қишки трансфер даври бошланганда янги марказий ҳимоячи билан шартнома имзолашни режалаштирган. Шу билан бирга, "Челси" ўйин амалиётига эга бўлмаётган Трево Чалоба ва Маланг Саррни сотмоқчи.
“Кўклар” АПЛ турнир жадвалида 16-турдан кейин 19 очко билан 12-ўринда бормоқда. 16 декабрь куни Почеттино шогирдлари ўз майдонида "Шеффилд Юнайтед"ни қабул қилади.
