"Barselona" markaziy himoyachisi Ronald Arauxo "Jirona"ga qarshi o‘yinda niqobi unga xalaqit berganini tan oldi.

Xavi Ernandes shogirdlari chempionlik uchun kurashda raqiblaridan biriga imkoniyatni boy berishdi (2:4). Endilikda turnir jadvalida “Barselona” va “Jirona” o‘rtasidagi farq yetti ochkoga yetdi.

Arauxo himoya niqobida maydonga chiqdi, chunki urugvaylik futbolchining jag‘i singan. O‘yindan keyingi intervyuda markaziy himoyachi bunday jihozlar bilan o‘ynash unchalik qulay emasligini tan oldi: "Niqob meni doimo bezovta qilar edi. Men noqulaylikni his qildim, shuning uchun men uni olib tashlashga qaror qildim", - dedi Arauxo.

Shuningdek, raqibning kuchi haqida gapirdi: "Jirona" - ajoyib jamoa. Chempionat masofasi uzoq, biroq ular chempionlikni qo‘lga kiritish uchun yetarli kuchga ega", — deya qo‘shimcha qildi.