"Manchester Yunayted" himoyachisi Aaron Uan-Bissaka katta ehtimol bilan mavsum oxirida klubni erkin agent sifatida tark etishi mumkin. Jurnalist Samuyel Lakxurstning xabariga ko‘ra, klub va futbolchi o‘rtasidagi yangi shartnoma borasidagi muzokaralar boshi berk ko‘chaga kirib qolgan.
Eslatib o‘tamiz, o‘tgan mavsumning birinchi yarmida Uan-Bissaka amalda maydonga tushmagan bo‘lsa-da, keyin bosh murabbiy Erik ten Xag ishonchini qozonib, jamoadan joy oldi. Biroq rahbariyatni angliyalikning yangi shartnoma bo‘yicha qo‘yayotgan so‘rovlari qanoatlantirmayapti.
Uan-Bisaka joriy mavsumda Angliya Premyer-ligasida 8 ta o‘yinda maydonga tushib, bitta golli uzatmani amalga oshirdi.
