"Манчестер Юнайтед" ҳимоячиси Аарон Уан-Биссака катта эҳтимол билан мавсум охирида клубни эркин агент сифатида тарк этиши мумкин. Журналист Самуэль Лакхурстнинг хабарига кўра, клуб ва футболчи ўртасидаги янги шартнома борасидаги музокаралар боши берк кўчага кириб қолган.
Эслатиб ўтамиз, ўтган мавсумнинг биринчи ярмида Уан-Биссака амалда майдонга тушмаган бўлса-да, кейин бош мураббий Эрик тен Хаг ишончини қозониб, жамоадан жой олди. Бироқ раҳбариятни англияликнинг янги шартнома бўйича қўяётган сўровлари қаноатлантирмаяпти.
Уан-Бисака жорий мавсумда Англия Премьер-лигасида 8 та ўйинда майдонга тушиб, битта голли узатмани амалга оширди.
