“Liverpul” himoyachisi Trent Aleksandr-Arnold "mersisaydliklar"ning Angliya Premyer-ligasi turnir jadvalidagi yetakchiligi haqida gapirdi.

"Hozirgacha juda yaxshi. Biz hozir yaxshi holatdamiz, ammo bu hali boshlanishi. Bu mavsumning juda gavjum bosqichi. Biz o‘yinlarda g‘alaba qozonishda davom etishimiz va jadallikni qo‘lga kiritishimiz kerak, ammo biz hozir bor narsamizdan mamnunmiz", - dedi Aleksandr-Arnold Liverpool Echo bilan suhbatda.

Angliya Premyer-ligasining 2023/2024-yilgi mavsumining 16-turidan so‘ng, “Liverpul” keyingi o‘rindagi “Arsenal”ni bir ochko ortda qoldirib, turnir jadvalida peshqadamlik qilmoqda. Ichki chempionatning navbatdagi uchrashuvida “qizillar” o‘z maydonida “Manchester Yunayted”ni qabul qiladi. O‘yin 17 dekabr kuni bo‘lib o‘tadi.