"Barselona" bosh murabbiyi Xavi Ernandes "Antverpen" bosh murabbiyi Mark van Bommel haqida o‘z fikrlarini bildirdi.

Ispaniyalik va niderlandiyalik mutaxassislar o‘z vaqtida "Barselona"da birga o‘ynashgan. Chorshanba kuni ular Chempionlar ligasi bahsida murabbiy sifatida o‘zaro to‘qnash kelishadi.

“Van Bommel meni juda yaxshi tushunadi, u qanday empatiya qilishni biladi. Bizda ajoyib munosabatlar bor va men uning yetakchilik va narsalarni amalga oshirish qobiliyatiga ega ekanligini bilaman. U ajoyib ish qiladi, menimcha, u yaxshi murabbiy. Uning jamoasi bu qur’a natijasiga ko‘ra juda qiyin guruhga tushib qoldi”, - dedi ispaniyalik murabbiy o‘yinoldi matbuot anjumanida.