Kelvin Fillips “Manchester Siti” safida ilk bor gol urdi.
Kecha Chempionlar ligasi guruh bosqichining so‘nggi bosqichi doirasida "Srvena Zvezda"ga qarshi o‘yinda (3:2) Filips 85-daqiqada penaltini golga aylantirdi.
Bu gol yarim himoyachining "Manchester Siti" safidagi 30 ta o‘yindagi birinchi goli bo‘ldi.
Hammasi bo‘lib, Fillips 51 ta o‘yinda gol ura olmadi, u oxirgi marta 2021 yilning avgustida "Lids" uchun Liga kubogi bahsida "Kryu"ga qarshi o‘yinda gol urgandi.
Eslatib o‘tamiz, Kelvin Fillips qishda “Manchester Siti”ni tark etishi mumkin. Xabar qilinishicha, 28 yoshli yarim himoyachiga "Nyukasl", "Manchester Yunayted" va "Bavariya" klublari qiziqish bildirmoqda.