Chempionlar ligasi guruh bosqichi ishtirokchilari orasida eng ko‘p daromad olgan "Real Madrid" bo‘ldi.

As nashri xabariga ko‘ra, Madrid klubining joriy Chempionlar ligasi guruh bosqichidagi daromadi 79,9 million yevroni tashkil etgan bo‘lib, shundan 15,6 millioni guruh bosqichida ishtirok uchun beriladi.

"Real" guruh bosqichidagi barcha 6 o‘yinda g‘alaba qozondi - har bir g‘alaba uchun klub 2,8 million yevro (jami 16,8 million) mukofot puli oladi. “Real” pley-offga chiqqani uchun yana 9,8 million yevro ishlab oldi.

Klub yana 36,4 million yevroni bonuslar ko‘rinishida oladi, bu koeffisiyentlarga qarab taqsimlanadi, bu koeffisiyentlar klubning Chempionlar ligasidagi so‘nggi 10 yildagi natijalariga asoslanadi.

Daromad bo‘yicha ikkinchi o‘rinda "Bavariya" (76,6 million yevro), uchinchi o‘rinda "Manchester Siti" (76,5 million yevro) joylashgan.

Chempionlar ligasining guruh bosqichidagi daromadlari bo‘yicha eng yaxshi 10 ta klub:

1. «Real» – 79,89 mln yevro

2. «Bavariya» – 76,64 mln

3. «Manchester Siti» – 76,48 mln

4. «Barselona» – 71,53 mln

5. «Atletiko» – 71,11 mln

6. «PSJ» – 63,89 mln

7. «Portu» – 63,57 mln

8. «Borussiya Dortmund» – 63,52 mln

9. «Arsenal» – 63,36 mln

10. «Napoli» – 58,04 mln