Чемпионлар лигаси гуруҳ босқичи иштирокчилари орасида энг кўп даромад олган "Реал Мадрид" бўлди.

As нашри хабарига кўра, Мадрид клубининг жорий Чемпионлар лигаси гуруҳ босқичидаги даромади 79,9 миллион еврони ташкил этган бўлиб, шундан 15,6 миллиони гуруҳ босқичида иштирок учун берилади.

"Реал" гуруҳ босқичидаги барча 6 ўйинда ғалаба қозонди - ҳар бир ғалаба учун клуб 2,8 миллион евро (жами 16,8 миллион) мукофот пули олади. “Реал” плей-оффга чиққани учун яна 9,8 миллион евро ишлаб олди.

Клуб яна 36,4 миллион еврони бонуслар кўринишида олади, бу коэффициентларга қараб тақсимланади, бу коэффициентлар клубнинг Чемпионлар лигасидаги сўнгги 10 йилдаги натижаларига асосланади.

Даромад бўйича иккинчи ўринда "Бавария" (76,6 миллион евро), учинчи ўринда "Манчестер Сити" (76,5 миллион евро) жойлашган.

Чемпионлар лигасининг гуруҳ босқичидаги даромадлари бўйича энг яхши 10 та клуб:

1. «Реал» – 79,89 млн евро

2. «Бавария» – 76,64 млн

3. «Манчестер Сити» – 76,48 млн

4. «Барселона» – 71,53 млн

5. «Атлетико» – 71,11 млн

6. «ПСЖ» – 63,89 млн

7. «Порту» – 63,57 млн

8. «Боруссия Дортмунд» – 63,52 млн

9. «Арсенал» – 63,36 млн

10. «Наполи» – 58,04 млн