Germaniya futbol ittifoqi rahbariyati Toni Kroos bilan terma jamoaga qaytish masalasini muhokama qilmoqchi.
MadridUniversal xabariga ko‘ra, DFB vakillari vositachilar orqali "Real" yarim himoyachisi atrofidagi vaziyat haqida futbolchining qaytish istagi bo‘yicha maslahatlashgan. Shunga qaramay, futbolchining o‘zi o‘z qarorini o‘zgartirmoqchi emas, chunki u yosh futbolchilardan o‘yin vaqtini tortib olishni istamasligi va bor e’tiborini klubdagi faoliyatiga qaratganini ta’kidlamoqda.
Eslatib o‘tamiz, Toni Kroos 2021 yilda Yevropa chempionatidan so‘ng xalqaro faoliyatini yakunlagandi. Germaniya terma jamoasi tarkibida "Real"ning 33 yoshli yarim himoyachisi 2014 yilgi Braziliya jahon chempionatida g‘olib chiqdi.
