"Barselona" yarim himoyachisi Frenki de Yongning agenti Ali Dursun futbolchi Chempionlar ligasi guruh bosqichi 6-turi doirasidagi "Antverpen"ga (2:3) qarshi o‘yinni o‘tkazib yuborish uchun o‘zini kasallikka solgani haqidagi mish-mishlarga javob berdi.
14 dekabr kuni jamoa sport direktori Deku niderlandiyalikdan kasalligi haqida sertifikat taqdim etishni so‘ragani haqida ma’lumot paydo bo‘ldi.
“Bu soxta. To‘liq bema’nilik, Frenki haqida uzoq vaqtdan beri yozilgan eng ahmoqona narsa. U kasal bo‘lib qoldi. Unda isitma alomatlari bor edi va hech qayerga borib o‘ynay olmadi. Frenki professional, shunchaki namuna. Deku bilan munosabatlarimiz a’lo va barqaror", - deya Dursun so‘zlarini keltiradi De Telegraaf.
"Antverpen"dan uchralgan mag‘lubiyatga qaramay, “Barselona” 12 ochko bilan “H” guruhida birinchi o‘rinni egalladi va Chempionlar ligasining 1/8 finaliga yo‘l oldi.
