"Барселона" ярим ҳимоячиси Френки де Йонгнинг агенти Али Дурсун футболчи Чемпионлар лигаси гуруҳ босқичи 6-тури доирасидаги "Антверпен"га (2:3) қарши ўйинни ўтказиб юбориш учун ўзини касалликка солгани ҳақидаги миш-мишларга жавоб берди.
14 декабрь куни жамоа спорт директори Деку нидерландияликдан касаллиги ҳақида сертификат тақдим этишни сўрагани ҳақида маълумот пайдо бўлди.
“Бу сохта. Тўлиқ бемаънилик, Френки ҳақида узоқ вақтдан бери ёзилган энг аҳмоқона нарса. У касал бўлиб қолди. Унда иситма аломатлари бор эди ва ҳеч қаерга бориб ўйнай олмади. Френки профессионал, шунчаки намуна. Деку билан муносабатларимиз аъло ва барқарор", - дея Дурсун сўзларини келтиради De Telegraaf.
"Антверпен"дан учралган мағлубиятга қарамай, “Барселона” 12 очко билан “H” гуруҳида биринчи ўринни эгаллади ва Чемпионлар лигасининг 1/8 финалига йўл олди.
