UYEFA Konferensiyalar ligasi musobaqasida guruh bosqichi yakunlandi.

Guruh bosqichida peshqadamlikni qo‘lga kiritgan jamoalar to‘g‘ridan-to‘g‘ri nimchorak final bosqichiga yo‘l olishgan bo‘lsa, qolgan 8ta klub 1/16 final deb nomlangan o‘tish bahslarida ishtirok etishadi.

Guruhda 2-o‘rinni egallaganlar bu bosqichda Yevropa ligasi guruh bosqichida 3-o‘rinni egallagan klublar bilan to‘qnash kelishadi.

Qachon?
Qur’a tashlash marosimi 18 dekabr, dushanba kuni UYEFA qarorgohi joylashgan Nyon shahrida bo‘lib o‘tadi. Tadbir Toshkent vaqti bilan 18:00da boshlanadi.

Ishtirokchi-jamoalar
Yuqorida aytib o‘tganimizdek, qur’ada 16ta jamoa ishtirok etadi. Konferensiyalar ligasi guruh bosqichida 2-o‘rinni egallaganlar 1-savatchadan, Yevropa ligasidan o‘tgan klublar esa 2-savatchadan o‘rin olishadi.

1-savatcha:
"Ayntraxt" (Germaniya)
"Bude-Glimt" (Norvegiya)
"Dinamo" Zagreb (Xorvatiya)
"Gent" (Belgiya)
"Legiya" (Polsha)
"Ludogores" (Bolgariya)
"Slovan" Bratislava (Slovakiya)
"Ferensvarosh" (Vengriya)

2-savatcha:
"Ayaks" (Niderlandiya)
"Betis" (Ispaniya)
"Makkabi" Xayfa (Isroil)
"Molde" (Norvegiya)
"Olimpiakos" (Gresiya)
"Servett" (Shveysariya)
"Shturm" (Avstriya)
"Yunion" (Belgiya)

Cheklovlar bormi?
Ha. Bir mamlakat vakillari ushbu bosqichda o‘zaro to‘qnash kelishmaydi.

Nechta o‘yin?
1/16 final bosqichida jamoalar uy va safar tizimida ikki martadan to‘qnash kelishadi. 1-savatcha vakillari javob bahsini o‘z uylarida o‘tkazishadi. Pley-off bosqichida "safarda urilgan gol" qoidasi amalda bo‘lmaydi.

O‘yinlar qachon o‘tkaziladi?
Dastlabki uchrashuvlar 15 fevral, javob bahslari esa 22 fevral kunlari bo‘lib o‘tadi.

Keyin-chi?
Ushbu bosqich g‘oliblari nimchorak finalga yo‘l oladi va Konferensiyalar ligasi guruh bosqichida 1-o‘rinni egallaganlar safiga qo‘shiladi. Mag‘lub bo‘lganlar musobaqani tark etishadi. 1/8 finalga qur’a tashlash marosimi 23 fevral kuni bo‘lib o‘tadi.