УЕФА Конференциялар лигаси мусобақасида гуруҳ босқичи якунланди.

Гуруҳ босқичида пешқадамликни қўлга киритган жамоалар тўғридан-тўғри нимчорак финал босқичига йўл олишган бўлса, қолган 8та клуб 1/16 финал деб номланган ўтиш баҳсларида иштирок этишади.

Гуруҳда 2-ўринни эгаллаганлар бу босқичда Европа лигаси гуруҳ босқичида 3-ўринни эгаллаган клублар билан тўқнаш келишади.

Қачон?
Қуръа ташлаш маросими 18 декабрь, душанба куни УЕФА қароргоҳи жойлашган Ньон шаҳрида бўлиб ўтади. Тадбир Тошкент вақти билан 18:00да бошланади.

Иштирокчи-жамоалар
Юқорида айтиб ўтганимиздек, қуръада 16та жамоа иштирок этади. Конференциялар лигаси гуруҳ босқичида 2-ўринни эгаллаганлар 1-саватчадан, Европа лигасидан ўтган клублар эса 2-саватчадан ўрин олишади.

1-саватча:
"Айнтрахт" (Германия)
"Буде-Глимт" (Норвегия)
"Динамо" Загреб (Хорватия)
"Гент" (Бельгия)
"Легия" (Польша)
"Лудогорец" (Болгария)
"Слован" Братислава (Словакия)
"Ференцварош" (Венгрия)

2-саватча:
"Аякс" (Нидерландия)
"Бетис" (Испания)
"Маккаби" Хайфа (Исроил)
"Мольде" (Норвегия)
"Олимпиакос" (Греция)
"Серветт" (Швейцария)
"Штурм" (Австрия)
"Юнион" (Бельгия)

Чекловлар борми?
Ҳа. Бир мамлакат вакиллари ушбу босқичда ўзаро тўқнаш келишмайди.

Нечта ўйин?
1/16 финал босқичида жамоалар уй ва сафар тизимида икки мартадан тўқнаш келишади. 1-саватча вакиллари жавоб баҳсини ўз уйларида ўтказишади. Плей-офф босқичида "сафарда урилган гол" қоидаси амалда бўлмайди.

Ўйинлар қачон ўтказилади?
Дастлабки учрашувлар 15 февраль, жавоб баҳслари эса 22 февраль кунлари бўлиб ўтади.

Кейин-чи?
Ушбу босқич ғолиблари нимчорак финалга йўл олади ва Конференциялар лигаси гуруҳ босқичида 1-ўринни эгаллаганлар сафига қўшилади. Мағлуб бўлганлар мусобақани тарк этишади. 1/8 финалга қуръа ташлаш маросими 23 февраль куни бўлиб ўтади.