"Manchester Yunayted", "Bavariya" va Angliya terma jamoasining sobiq yarim himoyachisi Ouen Xargrivzning fikricha, "Arsenal"ning chap qanot himoyachisi Aleksandr Zinchenko jamoaning zaif tomoni.
"Men uchun bu yagona zaiflik. Zaif pozisiya - chap qanot himoya. Jamoaning qolgan a’zolari Premyer-ligada g‘alaba qozonish uchun yetarli" - dedi Xargrivz The Kelly and Wrighty Show bilan suhbatda.
Eslatib o‘tamiz, joriy mavsumda ukrainalik futbolchi barcha turnirlarda 21 ta o‘yinda qatnashib, bitta gol va bitta golli uzatmaga mualliflik qilgan. Transfermarkt portalida berilgan ma’lumotlarga ko‘ra, futbolchining bozor qiymati 42 million yevroni tashkil qiladi.
Zinchenko "Manchester Siti"dan "Arsenal"ga o‘tdi. Ilgari "Ufa" va boshqa klublarda o‘ynagan.
