"Манчестер Юнайтед", "Бавария" ва Англия терма жамоасининг собиқ ярим ҳимоячиси Оуэн Харгривзнинг фикрича, "Арсенал"нинг чап қанот ҳимоячиси Александр Зинченко жамоанинг заиф томони.
"Мен учун бу ягона заифлик. Заиф позиция - чап қанот ҳимоя. Жамоанинг қолган аъзолари Премьер-лигада ғалаба қозониш учун етарли" - деди Харгривз The Kelly and Wrighty Show билан суҳбатда.
Эслатиб ўтамиз, жорий мавсумда украиналик футболчи барча турнирларда 21 та ўйинда қатнашиб, битта гол ва битта голли узатмага муаллифлик қилган. Transfermarkt порталида берилган маълумотларга кўра, футболчининг бозор қиймати 42 миллион еврони ташкил қилади.
Зинченко "Манчестер Сити"дан "Арсенал"га ўтди. Илгари "Уфа" ва бошқа клубларда ўйнаган.
