«PSJ» darvozaboni Keylor Navas o‘yin vaqti haqida fikr bildirdi.
«O‘yin amaliyotining yo‘qligi har qanday futbolchini xafa qiladi. Bunday vaziyatda yuqori darajani saqlab qolish juda qiyin.
Vaziyat oson emas, lekin men bundan shikoyat qila olmayman», - deya Navasning so‘zlarini keltirmoqda Diario AS.
37 yoshli darvozabon ushbu mavsumda birorta ham o‘yinda maydonga tushmadi. Navasning «PSJ» bilan amaldagi shartnomasi kelasi yilning o‘rtalariga qadar tuzilgan.
Transfermarkt portali ekspertlari futbolchining narxini uch million yevroga baholamoqda.
