Saudiya Arabistoni Professional Futbol Ligasi direktori Maykl Emenaloning aytishicha, «PSJ» hujumchisi Kilian Mbappe bilan muzokara jarayoni hali dastlabki bosqichda.

«Mbappe bilan suhbat ochiq, ammo u nima qilishini bilmaymiz. Agar hozir yoki kelajakda biz qurayotgan narsaning bir qismi bo‘lish uchun Mbappega qiziqish bo‘lsa, biz bu imkoniyatni rad eta olmaymiz. U mening sevimli futbolchim», - deya Emenaloning so‘zlarini keltiradi Marca.

AS xabariga ko‘ra, Madridning «Real» klubi hamon futbolchini o‘z safiga qo‘shib olmoqchi, ammo uni katta narxda qo‘lga kiritishga urinmaydi.

Joriy mavsumda Mbappe «PSJ» safida barcha turnirlarda 19 ta o‘yinda maydonga tushib, 18 ta gol urdi va 2 ta golli uzatmani amalga oshirdi. Uning klub bilan shartnomasi 2024 yilning 30 iyuniga qadar mo‘ljallangan.