Саудия Арабистони Профессионал Футбол Лигаси директори Майкл Эменалонинг айтишича, «ПСЖ» ҳужумчиси Килиан Мбаппе билан музокара жараёни ҳали дастлабки босқичда.

«Мбаппе билан суҳбат очиқ, аммо у нима қилишини билмаймиз. Агар ҳозир ёки келажакда биз қураётган нарсанинг бир қисми бўлиш учун Мбаппега қизиқиш бўлса, биз бу имкониятни рад эта олмаймиз. У менинг севимли футболчим», - дея Эменалонинг сўзларини келтиради Marca.

AS хабарига кўра, Мадриднинг «Реал» клуби ҳамон футболчини ўз сафига қўшиб олмоқчи, аммо уни катта нархда қўлга киритишга уринмайди.

Жорий мавсумда Мбаппе «ПСЖ» сафида барча турнирларда 19 та ўйинда майдонга тушиб, 18 та гол урди ва 2 та голли узатмани амалга оширди. Унинг клуб билан шартномаси 2024 йилнинг 30 июнига қадар мўлжалланган.