Madridning «Real» klubi yarim himoyachisi Jud Bellingem «Golden Boy» sovrinini qo‘lga kiritgani haqida gapirdi. Bu mukofot yil yakunida eng yaxshi yosh futbolchiga beriladi.
«So‘nggi bir necha yil ichida men «Golden Boy»da ikki marta ikkinchi o‘rinni egallaganim uchun xafa bo‘ldim.
Bu natija men uchun qoniqarsiz bo‘ldi. Men birinchi bo‘lishim kerak edi», - deya Bellingemning so‘zlarini keltiradi Telefoot.
20 yoshli yarim himoyachi joriy mavsumda barcha musobaqalarda 19 ta o‘yinda 16 ta gol urdi va 5 ta golli uzatmani amalga oshirdi.
Transfermarkt ma’lumotlariga ko‘ra, Bellingemning narxi 150 million yevro.
