Мадриднинг «Реал» клуби ярим ҳимоячиси Жуд Беллингем «Golden Boy» совринини қўлга киритгани ҳақида гапирди. Бу мукофот йил якунида энг яхши ёш футболчига берилади.
«Сўнгги бир неча йил ичида мен «Golden Boy»да икки марта иккинчи ўринни эгаллаганим учун хафа бўлдим.
Бу натижа мен учун қониқарсиз бўлди. Мен биринчи бўлишим керак эди», - дея Беллингемнинг сўзларини келтиради Telefoot.
20 ёшли ярим ҳимоячи жорий мавсумда барча мусобақаларда 19 та ўйинда 16 та гол урди ва 5 та голли узатмани амалга оширди.
Transfermarkt маълумотларига кўра, Беллингемнинг нархи 150 миллион евро.