Garchand havo sovuq bo‘lsada, APL harorati doimo qaynoq bo‘lgan. Negaki, biz beqaror natijalar keltirib chiqarishi mumkin bo‘lgan Rojdestvo-YAngi Yil arafasida turibmiz. Boxing Day arafasida o‘yinlar ko‘p bo‘ladi. Shu sababli, kuchli bosim bilan jamoalarda murabbiylar ko‘p almashadi. Shuni inobatga olgan holda, APL klublari egalari uchun bir nechta variantlar taqdim etamiz.
Grem Potter
Potter shu yilning aprel oyida "Chelsi" tomonidan iste’foga chiqarilgan edi. Negaki, uning qo‘l-ostida jamoa yangi-yangi antirekordlar qayd eta boshlaydi. Shunga qaramay, Potter o‘z darajasini "Brayton"dagi ishi bilan isbotlay olgan. Hatto, u "Chelsi"dan ketganidan keyin ham klub natijalari, aytarli yaxshilangani yo‘q. Shunday ekan, Potterning u yerdagi ishini juda yomon deb ham baholab bo‘lmaydi.
Antonio Konte
Konte "Tottenxem" bilan mart oyida o‘ta ayanchli holda xayrlashadi. Italiyalik mutaxassis matbuot anjumanida klub rahbariyatini o‘ta ochiq va keskin tanqidga olgandi. O‘shandan buyon Konte ishsiz yuribdi. U himoyaviy uslubi bilan APL, Italita va Yevropada o‘z darajasini ko‘rsatib qo‘ya olgan. Shuning uchun Kontega xaridorlar ko‘p bo‘ladi.
Andre Villash-Boash
"Tottenxem" va "Chelsi" muxlislari Villash-Boashni juda yaxshi eslashadi. U Angliyada o‘ta omadsiz davrni boshidan o‘tkazgan. Shunga qaramay, portugaliyalikning "Marsel"dagi faoliyati ancha yaxshi kechdi. Xususan, Villash-Boash davrida jamoa 6 yil ichida ilk bor YECHLga chiqib, "PSJ"ni mag‘lubiyatga uchrata olgandi. U 2021 yilda "Marsel"ni tark etganidan keyin, yangi loyihalarda ishtirok etmadi.
Yoaxim Lyov
Lyov 2021 yildan beri ishsiz yuribdi. Nemis mutaxassisi Germaniya terma jamoasini 15 yil boshqargandi. Bu orada Lyov mundialda zafar quchdi (2014). 2017 yilda Germaniya Lyov bilan Konfederasiyalar kubogini ham qo‘lga kiritadi.
Ole Gunar Sulsher
Sulsher 2021 yilning oxirlarida jamoadan ketgan edi. Undan oldingi mavsumdagi ligada ikkinchi o‘rin va YELning finaliga chiqish, rahbariyatga yetarli bo‘lmadi. Negaki, 2021/22 yilgi mavsumda "MYU" o‘ta og‘ir ahvolga tushib qoladi. Balki, Sulsherning qadriga yetishmagandir. Nima bo‘lgan taqdirda ham, Sulsher yana Angliyaga qaytadi.
Xansi Flik
Flik o‘z faoliyati davomida juda qisqa murabbiylik davrini boshidan o‘tkazgan. Uning "Bavariya"si 2020 yilda trebl qayd etadi. Bu narsa klub tarixida ikkinchi bor yuz bergan edi. Flik darrov Lyov o‘rniga Germaniya termasiga jalb etilgandi. Ammo oradan ko‘p o‘tmay, uni ishdan xaydashdi.
Zayniddin Zidan
"Real" bilan YECHLda ketma-ket 3 marta g‘alabaga erishgach, hamma Zidan nega murabbiylikka qaytmayotgani haqida o‘ylamoqda. 2016-2021 yillar oralig‘ida, kichik tanaffus bilan Zidan "Real" uchun 3 bor YECHLni, 2 marta esa La-liga bosh sovrinini olib berdi. Yaqinda bergan intervyusida afsonaviy futbolchi yana murabbiylikka qaytishi haqida ma’lum qilgandi. U shunday deydi: "Men tez orada yana qaytaman. Ozgina sabr qilinglar".
ISMATOV J.
