"Real" bosh murabbiyi Karlo Anchelotti kimni o‘z jamoasining Ispaniya chempionatidagi asosiy raqibi deb bilishini aytdi.
"Ayni paytda bizning asosiy raqibimiz "Jirona" hisoblanadi. Mavsum hali juda uzoq, kurash oxirigacha bo‘ladi. Raqobatchilar orasida, albatta, "Barselona" va "Atletiko Madrid" ham bor", - dedi Anchelotti klub matbuot xizmatiga.
Kecha madridliklar o‘z maydonida “Vilyarreal”ni qabul qilib, 4:1 hisobida yirik g‘alabaga erishdi. Ushbu muvaffaqiyat evaziga “Real” “Jirona”ni bir ochkoga ortda qoldirib, birinchi o‘ringa ko‘tarildi.
