Myunxenning “Bavariya” klubi hujumchisi Xarri Keyn Bundesliga doirasidagi “Shtutgart” ustidan qozonilgan g‘alaba (3:0) haqida fikr bildirdi. Ushbu uchrashuvda angliyalik hujumchi dubl qayd etdi.
"O‘ylaymanki, bu bizning mavsumdagi eng yaxshi o‘yinimiz bo‘ldi. Maydonda haqiqiy ustunlikni ko‘rsatdik. Jamoa katta shiddat ko‘rsatdi. Asosiy tarkibda maydonga tushganlarning barchasi yaxshi futbol ko‘rsatdi", - dedi Keyn Bayern&Germany bilan suhbatda.
Bu muvaffaqiyatdan keyin myunxenliklar ochkolari sonini 35 taga yetkazib oldi. Tomas Tuxel shogirdlari turnir jadvalida ikkinchi o‘rinda bormoqda. Germaniya chempionati yetakchisi Leverkuzenning “Bayer” klubi hisoblanadi.
