Мюнхеннинг “Бавария” клуби ҳужумчиси Харри Кейн Бундеслига доирасидаги “Штутгарт” устидан қозонилган ғалаба (3:0) ҳақида фикр билдирди. Ушбу учрашувда англиялик ҳужумчи дубль қайд этди.
"Ўйлайманки, бу бизнинг мавсумдаги энг яхши ўйинимиз бўлди. Майдонда ҳақиқий устунликни кўрсатдик. Жамоа катта шиддат кўрсатди. Асосий таркибда майдонга тушганларнинг барчаси яхши футбол кўрсатди", - деди Кейн Bayern&Germany билан суҳбатда.
Бу муваффақиятдан кейин мюнхенликлар очколари сонини 35 тага етказиб олди. Томас Тухель шогирдлари турнир жадвалида иккинчи ўринда бормоқда. Германия чемпионати етакчиси Леверкузеннинг “Байер” клуби ҳисобланади.
