Kataloniyaning "Barselona" klubi Angliya premyer-ligasi klubidan chap qanot himoyachisi Alexandro Balde transferi bo‘yicha katta taklif oldi. Bu haqda jurnalist Jerar Romero xabar bermoqda.
Manbaning ta’kidlashicha, taklif tushganiga qaramay, "Barselona"ga Baldeni sotish qiyin bo‘ladi, chunki futbolchi jamoada baxtli va hech qayerga ketish niyati yo‘q. Avvalroq "ko‘k-anorranglilar" o‘z byudjetini katta miqdorda pul bilan to‘ldirish maqsadida Baldeni sotishga qarshi emasligi xabar qilingandi.
Joriy mavsumda Alexandro Ispaniya chempionatida 15 o‘yin o‘tkazib, bitta golli uzatmani amalga oshirdi.
