Каталониянинг "Барселона" клуби Англия премьер-лигаси клубидан чап қанот ҳимоячиси Алехандро Бальде трансфери бўйича катта таклиф олди. Бу ҳақда журналист Жерар Ромеро хабар бермоқда.
Манбанинг таъкидлашича, таклиф тушганига қарамай, "Барселона"га Бальдени сотиш қийин бўлади, чунки футболчи жамоада бахтли ва ҳеч қаерга кетиш нияти йўқ. Аввалроқ "кўк-анорранглилар" ўз бюджетини катта миқдорда пул билан тўлдириш мақсадида Бальдени сотишга қарши эмаслиги хабар қилинганди.
Жорий мавсумда Алехандро Испания чемпионатида 15 ўйин ўтказиб, битта голли узатмани амалга оширди.
