Ispaniya Qirollik futbol federasiyasi va La Liga hakamlar hamda VAR o‘rtasidagi muzokaralarni e’lon qilishga kelishib oldi.
Gap VAR bosh hakamni monitor oldiga chaqirib, ular o‘zaro muloqotga kirishadigan paytlar haqida ketmoqda. Ma’lumotlar federasiya saytida e’lon qilingan.
Yaqin kunlarda Ispaniya futboli mutasaddilari hammasi qanday ishlashi haqida batafsil ma’lumotlarni e’lon qiladi. Ko‘rinishidan, muzokaralar onlayn emas, balki har bir o‘yin kunidan keyin e’lon qilinadi.
10 yanvar kuni Ispaniya Superkubogi o‘yinlarida birinchi marta bosh hakamlar va VAR o‘rtasidagi suhbatlar tinglanadi. La Ligada esa, 12, 13 va 14 yanvar kunlari bo‘lib o‘tadigan 20-turdan boshlab kuchga kiradi.
