Испания Қироллик футбол федерацияси ва Ла Лига ҳакамлар ҳамда ВАР ўртасидаги музокараларни эълон қилишга келишиб олди.
Гап ВАР бош ҳакамни монитор олдига чақириб, улар ўзаро мулоқотга киришадиган пайтлар ҳақида кетмоқда. Маълумотлар федерация сайтида эълон қилинган.
Яқин кунларда Испания футболи мутасаддилари ҳаммаси қандай ишлаши ҳақида батафсил маълумотларни эълон қилади. Кўринишидан, музокаралар онлайн эмас, балки ҳар бир ўйин кунидан кейин эълон қилинади.
10 январь куни Испания Суперкубоги ўйинларида биринчи марта бош ҳакамлар ва ВАР ўртасидаги суҳбатлар тингланади. Ла Лигада эса, 12, 13 ва 14 январь кунлари бўлиб ўтадиган 20-турдан бошлаб кучга киради.
