"Chelsi" bosh murabbiyi Maurisio Pochettino Angliya liga kubogi chorak finalida "N’yukasl" ustidan qozonilgan g‘alaba (1:1, 4:2 - pen) haqida gapirdi.
Eslatib o‘tamiz, “ko‘klar” Mixail Mudrikning goli evaziga hisobni tenglashtirishgandi, keyin esa penaltilar seriyasida g‘alabani qo‘lga kiritishdi. Pochettinoning fikricha, bunday o‘yinlar jamoa rivojlanishi uchun juda foydali.
“O‘yinchilarga yo‘l-yo‘riq ko‘rsatish va ularni chinakam yaxshilanishlari uchun platforma yaratish bizning mas’uliyatimiz.
Vaqt o‘tishi bilan biz juda yaxshi jamoa tuzamiz va "Chelsi" aslida o‘zi loyiq bo‘lgan joyga qaytamiz", - deya Pochettinoning so‘zlarini keltirmoqda Chelsi rasmiy sayti.
