"Yuventus" yarim himoyachisi Manuel Lokatelli A Seriyada chempionlik uchun kurash haqida gapirdi.
16-tur uchrashuvida “Byankonerilar” “Jenoa”ni mag‘lub eta olmadi (1:1). “Inter” bundan unumli foydalandi va “Lasio”ni mag‘lub etdi (2:0) va turinliklar bilan ochkolar farqi to‘rttaga yetdi.
“Menimcha, “Inter” juda kuchli jamoa. U yerda o‘z faoliyatining cho‘qqisida turgan yetuk futbolchilar ko‘p.
Biz o‘z yo‘limizda davom etishimiz kerak, ba’zi yosh futbolchilarimiz hali kamolga yetishi kerak. Skudettoga kelsak, albatta, biz hali ham bu haqda orzu qilamiz.
Ikkinchi o‘rinda bo‘lganingda oldinga qarashga majbur bo‘lasan", - deya Lokatellining so‘zlarini keltiradi jurnalist Nikolo Skira.
