Doping bilan ushlangan fransiyalik “Yuventus” yarim himoyachisi Pol Pogba ishi bo‘yicha sud sanasi o‘zgartirildi. Bu haqda Calciomercato xabar bermoqda.

Manbaga ko‘ra, Pogba tarafdorlariga futbolchini himoya qilish rejasini yaxshiroq tayyorlash imkoniyati berilgan. Dastlab, sud 18 yanvar kuni bo‘lib o‘tishi kerak edi, lekin yangi sana hali noma’lum.

Eslatib o‘tamiz, antidoping prokuraturasi 30 yoshli yarim himoyachini to‘rt yilga futboldan chetlashtirishni talab qilmoqda, futbolchining o‘zi esa ikki yillik diskvalifikasiya olishni kutmoqda.

Joriy mavsumda Pogba Italiya chempionatining atigi ikkita o‘yinida qatnasha oldi, xolos.