Допинг билан ушланган франциялик “Ювентус” ярим ҳимоячиси Поль Погба иши бўйича суд санаси ўзгартирилди. Бу ҳақда Calciomercato хабар бермоқда.
Манбага кўра, Погба тарафдорларига футболчини ҳимоя қилиш режасини яхшироқ тайёрлаш имконияти берилган. Дастлаб, суд 18 январь куни бўлиб ўтиши керак эди, лекин янги сана ҳали номаълум.
Эслатиб ўтамиз, антидопинг прокуратураси 30 ёшли ярим ҳимоячини тўрт йилга футболдан четлаштиришни талаб қилмоқда, футболчининг ўзи эса икки йиллик дисквалификация олишни кутмоқда.
Жорий мавсумда Погба Италия чемпионатининг атиги иккита ўйинида қатнаша олди, холос.
