"Bavariya" rasmiy saytida klub bosh direktori Yan-Kristian Drizenning bayonoti e’lon qilindi. U Yevropa sudining Superligani yo‘lga qo‘yishga ruxsat beruvchi qaroriga izoh berdi.
Drizenning so‘zlariga ko‘ra, bu qarordan keyin klubning pozisiyasi o‘zgarmagan. "Bavariya" Superliganing tashkil etilishini ichki chempionatlarning ahamiyatiga va Yevropa futboli tuzilishiga hujum, deb hisoblaydi.
“Biz UYEFA shafeligida Yevropa klublari o‘rtasidagi musobaqalarga sodiqmiz. Shuning uchun yana bir bor aytib o‘tishga ijozat bering, Superliga eshigi "Bavariya" uchun yopiqligicha qolmoqda", - dedi Drizen.
