Angliyada Premyer-liganing o‘n sakkizinchi tur o‘yinlari boshlandi, "Kristal Pelas" o‘z maydonida "Brayton"ni qabul qildi, jamoalar o‘rtasidagi uchrashuv durang bilan yakunlandi - 1:1. "Brayton"ning italiyalik murabbiyi Roberto De Dzerbi jamoasi ikki ochko yo‘qotdi, deb hisoblaydi - uning fikricha, jamoa g‘alaba qozonishi kerak edi.

"O‘ylashimcha, biz ikki ochko yo‘qotdik. Ayniqsa, birinchi bo‘limda juda ko‘p xatolarga yo‘l qo‘ydik. Ikkinchi bo‘limda maqsad sari yo‘l topib, ko‘proq kuch bilan o‘ynadik", - dedi de Dzerbi BBC Sport bilan suhbatda.

Angliya chempionatining navbatdagi turida "Brayton" o‘z maydonida Londonning "Tottenxem" klubini qabul qiladi. Bu o‘yin 28 dekabrda bo‘lib o‘tadi.