Stanislav Cherchesov Turkiyaning “Beshiktosh” klubi bosh murabbiyi lavozimiga da’vogar. Bu haqda turk matbuoti yozmoqda.
Eslatib o‘tamiz, Cherchesov Vengriyaning "Ferensvarosh" klubidan haydalganidan keyin ishsiz qolgan.
Vengerlar sensasion tarzda "Klaksvik"ka yutqazib qo‘ygan rossiyalik murabbiy o‘z jamoasini Chempionlar ligasiga olib chiqa olmaganidan keyin undan ketish so‘ralgandi.
"Beshiktosh" Cherchesovdan tashqari Fabio Kannavaro, Slaven Bilich, Xorxe Sampaoli, Rud van Nistelroy va Frank de Burni ham o‘ziga jalb etyapti.