"Paxtakor" bosh direktori Diyor Xolmatovning "Rostov"ga o‘tish ehtimolini baholadi.
Rostovliklar O‘zbekiston klubidan 21 yoshli vingerni ijaraga olishga qarshi emasligi xabar qilingandi.
"Na Karpin, na "Rostov" futbolchi borasida bizga murojaat qilishmadi, hech qanday taklif bo‘lmadi. Ammo biz Xolmatovni qo‘yib yuborishga hozircha tayyor emasmiz. U yosh va jamoamizning asosiy o‘yinchisi, bundan tashqari bizni oldinda bir qancha muhim turnirlar kutib turibdi.
Diyor yetilib, kuchayib borsa, biz ham barcha iqtidorli futbolchilarimiz kabi uni qo‘yib yuborishdan xursand bo‘lamiz”, - deydi Dmitriy Adisman.
Bu yilgi 26 uchrashuvda Xolmatov 2 gol va 3 golli uzatmaga mualliflik qilgan.
