Argentina yoshlar terma jamoasi va "River Pleyt" a’zosi Klaudio Echeverri faoliyatini Yevropada davom ettirishi mumkin.
Insayder Fabrisio Romano xabariga ko‘ra, "Manchester Siti" Klaudio Echeverrini sotib olish uchun muzokaralarni davom ettirmoqda. Klub bilan ham, futbolchi bilan ham aloqalar davom etmoqda.
"Chelsi" hamon futbolchiga qiziqish bildirmoqda.
"Barselona"ning pozisiyasi o‘zgarmadi: Echeverri klubda yuqori baholanadi, ammo FFP bilan bog‘liq muammolar tufayli transfer qiyin bo‘ladi. Futbolchi ham "Barselona"ning ashaddiy muxlisi hisoblanadi.
Echeverri hozirda Transfermarkt portalida 12 million yevroga baholangan.