«Manchester Siti» 2023-yilda to‘plangan ochkolar bo‘yicha Angliya Premyer-ligasining eng yaxshisiga aylandi, deb xabar beradi Squawka.
Xosep Gvardiola shogirdlari bir taqvim yilida 87 ochko jamg‘ardi. Ikkinchi o‘rinda Birmingemning “Aston Villa”si (82), kuchli uchlikni esa Londonning “Arsenal” klubi (81) yakunlagan.
O‘tgan yil "Manchester Siti" uchun klub tarixidagi eng omadli yil bo‘ldi. "Siti" beshta turnirda g‘olib chiqdi: Premyer-liga, Chempionlar ligasi, Angliya kubogi, UYEFA Superkubogi va klublar o‘rtasidagi jahon chempionati.
Hozirgi Premyer-ligada Gvardiola jamoasi peshqadamdan 6 ochko ortda qolgan holda beshinchi o‘rinda bormoqda.