CIES Football xalqaro sport tadqiqotlari markazi “Manchester Siti” darvozaboni Ederson Morayesni 2023 yil uchun dunyoning eng yaxshisi deb topdi.

Joriy mavsumda braziliyalik darvozabon barcha turnirlarda 23 ta o‘yin o‘tkazib, o‘z darvozasidan 23 ta gol o‘tkazib yubordi va 7 ta bahsda o‘z darvozasi daxlsizligini saqlab qoldi.

Reytingda ikkinchi o‘rinni “Barselona” darvozaboni Mark-Andre ter Shtegen egallagan bo‘lsa, kuchli uchlikni amaldagi jahon chempioni va “Aston Villa” darvozaboni Emiliano Martines yakunladi.

Eslatib o‘tamiz, 2023 yilda «Manchester Siti» Angliya chempioni bo‘ldi, mamlakat kubogi, Chempionlar ligasi va klublar o‘rtasidagi jahon chempionatida g‘olib chiqdi.