Madridning "Atletiko" klubi yarim himoyachisi Rodrigo de Paul qishki transfer oynasida “Yuventus”ga o‘tmaydi, deb xabar beradi Mundo Deportivo.

Manbaga ko‘ra, Turin klubi "Atletiko" bilan ham, futbolchining o‘zi bilan ham aloqa o‘rnatgan. Biroq, "matraschilar" 29 yoshli argentinalik futbolchini sotish borasida o‘z fikrlarini o‘zgartirishdi, chunki u yaqinda asosiy tarkib futbolchisi maqomiga qaytdi va "Atletiko" yarim himoyachini o‘rtada yo‘qotmoqchi emas.

De Paul 2021 yilning iyulida "Udineze"dan "Atletiko"ga o‘tgan edi. Transfer summasi 35 million yevroni tashkil etdi. O‘yinchining klub bilan shartnomasi 2026-yilning yoziga qadar mo‘ljallangan. Transfermarkt portali argentinalik futbolchini 30 million yevroga baholamoqda.

Joriy mavsumda De Paul 19 ta o‘yin o‘tkazib, 2 ta golli uzatmani amalga oshirdi.

17 turdan keyin “Yuventus” 40 ochko bilan A Seriyada 2-o‘rinni egallab turibdi. “Inter” chempionatda peshqadamlik qilmoqda (44 ochko).