«Real» hujumchisi Rodrigo o‘tgan yozda «Chelsi»ning transfer maqsadi bo‘lgan edi.
Bu haqda Ok Diario jurnalistlari xabar bermoqda. Manbaga ko‘ra, «aristokratlar» rahbariyati braziliyalik futbolchini o‘ziga tortmoqchi bo‘lgan, biroq kelishuv barbod bo‘lgan.
Inglizlar Rodrigoning transferi uchun 100 million yevro taklif qilishgan, biroq madridliklar rad javobini berishgan.
Braziliyalik futbolchi "qirollik klubi"da 2019 yilning yozidan buyon o‘ynamoqda. Tomonlar o‘rtasidagi shartnoma 2027/2028 yilgi mavsum oxirida yakuniga yetadi.
Joriy mavsumda Rodrigo La Liganing 18 o‘yinida 7 ta gol urdi va 4 ta golli uzatmani amalga oshirdi.
