«Реал» ҳужумчиси Родриго ўтган ёзда «Челси»нинг трансфер мақсади бўлган эди.
Бу ҳақда Ok Diario журналистлари хабар бермоқда. Манбага кўра, «аристократлар» раҳбарияти бразилиялик футболчини ўзига тортмоқчи бўлган, бироқ келишув барбод бўлган.
Инглизлар Родригонинг трансфери учун 100 миллион евро таклиф қилишган, бироқ мадридликлар рад жавобини беришган.
Бразилиялик футболчи "қироллик клуби"да 2019 йилнинг ёзидан буён ўйнамоқда. Томонлар ўртасидаги шартнома 2027/2028 йилги мавсум охирида якунига етади.
Жорий мавсумда Родриго Ла Лиганинг 18 ўйинида 7 та гол урди ва 4 та голли узатмани амалга оширди.
